Striko en Francio pro pensia reformado
Vendredo, la 6-a de decembro 2019
.jpg)
En Francio, tutlanda striko kontraŭ la reformado de emeritaj pensioj paralizis la plejparton de la lando.
Oni maltrankviliĝas pro propono tiamaniere revizii la pensiojn, ke milionoj da homoj estu devigitaj labori pli longe kaj ricevi malpli da enspezo.
La striko ĉesigis la publikan veturigadon, devigis la plimulton da lernejoj fermiĝi, lasis ne sufiĉe da deĵorantoj ĉe malsanulejoj kaj igis la bazajn registarajn servojn nefunkciantaj.
Ĝenerale pacaj manifestacioj okazis en Parizo kaj en pli ol dudek urboj tra la lando.
Tamen perfortoj ekflamis apud la Placo de la respubliko en orienta Parizo, kie miloj da manifestaciantoj kunvenis. Iuj ekbruligis konstruan remorkon kaj la polico respondis pafante larmogason, laŭ atestantoj.
La polico ankaŭ uzis larmogason kontraŭ manifestaciantoj en la nordokcidenta urbo Nanto kaj en la sudorienta urbo Liono.
La estroj de la sindikatoj promesis daŭrigi la manifestaciojn tiel longe, dum la prezidanto Emmanuel Makron ne forlasos la proponitan pensian reformadon, kiu laŭ konfeso de la oficiuloj mem, iom post iom devigos la dungitojn labori pli longe.
La oficiuloj donis malmulte da detaloj pri la projekto, sed la prezidanta oficejo diris, ĵaŭdon, ke la ĉefministro Édouard Philippe malkaŝos la ĝeneralan kadron venontsemajne post traktadoj kun la sindikatoj.
La striko estas provonta la politikan lertecon de Macron, iama investbankisto kiu gajnis la prezidantecon per promeso transformi Francion.
Fontoj
- (en) «French Strike Over Pension Reform Enters Second Day» – VOA, 06-12-2019 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |