Kvar homoj mortigitaj per tranĉilo en Parizo
Sabato, la 5-a de oktobro 2019
Ĵaŭdon, la 3-an de oktobro, ĉe la polica prefektejo en Parizo, komputika laborulo faris buĉadon, mortiginte kvar homojn. Kvina estas enhospitaligita en kritika stato. La atakinto estis mortpafita de la polico. Tri viktimoj estis viroj-policistoj, kvara estis oficeja laborulino.
Oficialuloj diris ke la tri policistoj estis ponarditaj en siaj oficejoj. La virino estis mortigita en ŝtuparo. La atakinta viro, atinginte la korton, estis pafita ĉe la kapo de alia policisto. La loka prokuroro Rémy Heitz diris ke la edzino de la suspektato estis malliberigita.
Oficialuloj diris ke la 45-jaraĝa viro naskiĝis en la franca transmara departemento Martiniko. Li loĝis en la urbo Gonesse apud Parizo. Li estis laborulo ĉe la policejo ekde 2003 kaj aŭdhandikapulo. Laŭ Agence France-Presse, kiu citis fontojn proksimajn al la enketo, la viro konvertiĝis al islamo antaŭ unu kaj duona jaro.
La polica prefektejo, kiu troviĝas sur insulo en la rivero Sejno, estis barita post la atako. La metrostacio Cité provizore fermiĝis.
La pariza urbestrino, Anne Hidago, skribis per Tvitero:
|
Parizo priploras siajn civitanojn ĉi-posttagmeze post tiu ĉi terura atako okazinta ĉe la polica prefektejo. La ŝarĝo pezas, multaj policistoj perdis la vivon. En mia nomo kaj en tiu de la parizanoj, miaj unuaj pensoj iras al la familioj de la viktimoj kaj al iliaj parencoj. |  — Anne Hidago
|
Fontoj
Ĉi tio estas plena aŭ parta traduko de la artikolo Four stabbed to death at Paris police headquarters, el angla Vikinovaĵoj (publikigita laŭ la permesilo Atribuite 2.5 Ĝenerala de Creative Commons).
([[Lingvo angle|angle]]) «Knife-wielding IT worker kills four at Paris police HQ» – Agence France-Presse, 03-10-2019 (arkivita [ ])
([[Lingvo angle|angle]]) Saskya Vandoorne, Antoine Crouin «Four killed in knife attack at Paris police headquarters» – CNN, 03-10-2019 (arkivita [ ])
([[Lingvo france|france]]) [[Anne Hidalgo]] «@Anne_Hidalgo» – Tvitero, 03-10-2019 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |