Kolombia Registaro ĉesigas la pactraktadojn kun FARK pro forkapto de generalo

Kolombio

31 jul. 2024: Ĉilio: Tertremo kun magnitudo de 8,8 Mw, necerta la nombro de mortintoj
31 jul. 2024: Ĉefpaĝo/Dua paĝo, 2014
31 jul. 2024: Ĉefpaĝo/Dua paĝo, 2012
31 jul. 2024: Ĉefpaĝo/Dua paĝo, 2011

Lundo, la 17-a de novembro 2014

La kolombia prezidanto, Juan Manuel Santos, ordonis la ĉesigon de la pacaj traktadoj kun la gerila grupo FARK pro forkapto de armea generalo kaj du aliaj personoj fare de tiu armita grupo ĉi-dimanĉe.

Generalo Rubén Darío Alzate estis kaptita fare de armitaj personoj post alveno boate al kamparana loko Las Mercedes, en Ĉokoo, okcidente de Kolombio, por kontroli projekton pri civila energio.

Kune kun li estis kaptitaj la ĉefkaporalo Jorge Rodríguez kaj la advokatino Gloria Urrego, konsilanto pri specialaj projektoj de la armeo. La militisto ŝajne malrespektis la protokolon vojaĝante kiel civilulo al tiu loko, kie estas konata la ĉeesto de FARK, sen korpogardistaro.

Traktantoj de la registaro estis pretigantaj flugon al Havano (Kubo) kaj partoprenadon al nova traktada sesio kun FARK-anoj, sed prezidanto Santos nuligis la vojaĝon kelkajn horojn post la forkapto.

Ĉesas la traktadoj ĝis klariĝu (ĉio pri la forkapto) kaj tiuj personoj estu liberigataj

— Juan Manuel Santos

Santos respondecigis al la 34-a fronto de FARK pri la forkapto kaj krome ordonis al la armeo fari "la necesajn operaciojn" por liberigi la kaptitojn.

La traktadoj kun FARK disvolviĝas ekde 2012 en Kubo.

Fontoj

Ĉi tio estas plena aŭ parta traduko de la artikolo Gobierno de Colombia suspende conversaciones de paz con las FARC por secuestro de un general, el hispana Vikinovaĵoj (publikigita laŭ la permesilo Atribuite 2.5 Ĝenerala de Creative Commons).

(es) «Santos suspende pláticas de paz con las FARC» – Voz de América, 17-11-2014 (arkivita [ ])

Vi povas disvastigi ĉi-tiun artikolon per Interkonaj retejoj

Ĉu vi havas opinion pri temo de la artikolo? Esprimu ĝin!

Serva informo pri ci-tiu paĝo:

• Mallonga ligilo • renovigi ĉi-paĝon • Informo pri ĉi-paĝo

Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu.
Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn.
Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo.