Amasaj arestoj de opoziciaj protestantoj en Moskvo
Dimanĉo, la 28-a de julio 2019
_07.jpg)
La 27-an de julio 2019 en Moskvo okazis amasaj manifestacioj kontraŭ rifuzo de la urbaj aŭtoritatoj registri opoziciajn kandidatojn por balotado en la Urba Dumao, okazonta la 8-a de septembro. La aŭtoritatoj asertas ke la kandidatoj prezentis nevalidajn subskribojn de subtenantoj, do ne plenumis postulojn de la balota leĝo.
Kelkmil homoj kolektiĝis antaŭ la urbodomo en strato Tverskaja kun afiŝoj, postulantaj restarigi la justecon. La neregistritaj opoziciaj kandidatoj gvidantoj mankis, ĉar ili estis anticipe vokitaj al polico kaj detenitaj tie. La manifestacio okazis kontraŭleĝe, sen peti permeson por ĝia okazigo.
Surloke jam taĉmentoj de Rosgvardija (Rusia Gvardeo) kaj pluraj aŭtodetenejoj. La homamaso estis dividita je du partoj, elirejo el apuda metrostacio estis blokita. Polico komencis kapti homojn kaj porti al aŭtodetenejoj. Polico kondutis severe, multaj homoj estis vunditaj, vestoj ŝiritaj, fotiloj kaj telefonoj rompitaj. Poste polico raportis pri 1373 detenitoj.
La protestantoj disiĝis kaj marŝis direkte al Lubjanka kaj poste al Moskva Kremlo. Laŭvoje ili ofte alfrontis policajn ĉenojn, kiuj blokis stratojn. Detenado daŭris. En unu strateto la protestantoj sin kaŝis en ortodoksa preĝejo, kie pastroj akceptis ilin kaj preĝis kun ili pri paco.
Fontoj
([[Lingvo ruse|ruse]]) Кристина Сафонова «Тысячи протестующих провели день в центре Москвы — без лидеров и при жестком противодействии силовиков. Репортаж Кристины Сафоновой» – [[Meduza]], 2019-07-27 (arkivita [ ]) [[Kategorio:Artikoloj kun informo de Meduza]] ([[Lingvo ruse|ruse]]) Евгений Фельдман «Как в Москве дубинками разгоняли акцию за свободные выборы в городскую думу — и как она все равно продолжалась. Фотографии» – [[Meduza]], 2019-07-27 (arkivita [ ]) [[Kategorio:Artikoloj kun informo de Meduza]] ([[Lingvo ruse|ruse]]) Павел Мерзликин ««На то мы и храм» Монолог священника из храма в центре Москвы, где протестующие укрылись от Росгвардии и полиции» – [[Meduza]], 2019-07-27 (arkivita [ ]) [[Kategorio:Artikoloj kun informo de Meduza]]
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |