Trejnisto de Watford depostenigita pro ne scipovi la anglan
|
 |
|
|
Lundo, la 12-a de junio 2017
Walter Mazzarri, eksa trejnisto de SSC Napoli kaj Inter Milano, estis depostenigita kiel trejnisto de Watford Football Club, teamo ludanta en la Premier Ligue de Anglio. Li estis dungita pasintsomere por anstataŭi la hispanon Quique Sánchez, kaj ĝis tiam li estis trejninta kaj ludinta nur en Italio.
La laboro de Mazzarri estis sukcesa kaj atingis ke la teamo daŭre restu en la plej alta kategorio. Tamen, dekomence la teamo petis al Mazarri lerni la anglan. Pasintdecembre Mazzarri ricevis lastan admonon, sed la trejnisto alparolis la ĵurnalistojn itallingve. Lia rilato kun la futbalistoj ankaŭ estis malfacila, li devis ricevi la helpon de dulingva futbalisto por komuniki strategiojn kaj ordonojn al la cetero de la teamo. Dummatĉe li ĉiam devis esti akompanata de kuntrejnisto.
Pro la rifuzo lerni la anglan, Watford decidis ne plu labori kun la itala trejnisto.
Fontoj
(es) Miguel Moreno «Despiden a un entrenador de la Premier por no saber hablar inglés» – Besoccer, 18-05-2017 (arkivita [ ]) (es) Jacob Steinberg «No longer any need for that crash course in English he was planning» – The Guardian, 17-05-2017 (arkivita [ ]) (en) Simon Burnton «Walter Mazzarri the latest to fall off Watford’s curious merry-go-round» – The Guardian, 17-05-2017 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |