Eldonitas SeaMonkey 2.0.9
Ĵaŭdo, la 21-a de oktobro 2010
Je la 20-a oni faris sekurig-stabiligan eldoneton de SeaMonkey — 2.0.9.
Tiu ĉi eldono korektas la samajn malsekurojn kiel la antaŭhieraŭaj eldonoj de Fajrovulpo.
Same kiel en Fajrovulpo, okazis ankaŭ:
- korekto de problemo iginta Vindozon 7 misapliki kongruechelpilon al Fajrovulpo anstataŭ nur al elŝutita programo,[1]
- blanklistigo (senagord-uz-ebligo) de kelkaj retregionoj kun nelatinliteraj nomoj (de Ĉinio, Honkongo, Sauda Arabujo kaj Tajvano).[2]
Same kiel en la antaŭhieraŭaj eldonoj de Tondrobirdo, estis forigita problemo malŝpariginta en Vindozo po 12 megabajtoj da memoro ĉe ĉiu kontrolo pri haveblo de novaj retleteroj.
En Mac OS X nun restariĝos la elekto de klavararanĝo ŝanĝita de kromprogramo.[3]
Okazis ankaŭ pluraj aliaj korektoj kaj plibonigoj.
Referencoj
- ↑ https://bugzilla.mozilla.org/show_bug.cgi?id=567497
- ↑ https://bugzilla.mozilla.org/show_bug.cgi?id=595865
- ↑ https://bugzilla.mozilla.org/show_bug.cgi?id=597389
Fontoj
(angle) Robert Kaiser «SeaMonkey 2.0.9 Security Update» – SeaMonkey Council, 20 Okt. 2010 (arkivita [ ]) (angle) Robert Kaiser «What's New in SeaMonkey 2.0.9» – SeaMonkey Council, 20 Okt. 2010 (arkivita [ ])
Elŝuti
- Ligiloj por elŝuti SeaMonkey 2.0.9 en pli ol 20 lingvoj (esperantigan pakaĵon eblas elŝuti ĉe http://seamonkey.eozilla.de/)
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |