Domo de Zamenhof en Grodno brulis
|
 |
|
|
Mardo, la 27-a de majo 2014
Pasintvendrede en Grodno, Belorusio, en domo sur strato Kirova n-ro 5, kie loĝis Ludoviko Zamenhof, okazis incendio, kiu tamen ne grave difektis la historian duetaĝan domon.
Laŭ informo de la loka ret-gazeto Tut.by, kiu skribas en la titolo de la novaĵo «Ĉe la urbocentro de Grodno brulis malnova domo de la kreinto de Esperanto», fine de la vendreda labortago, je la 17:20, la malnova konstruaĵo sur la strato Kirov ekbrulis okazigante trafikproblemojn en la areo de streĉitaj vojoj pro la laboro de la fajrobrigadistoj, kiuj rapide estingis la fajron.
La incendio komenciĝis en la tegmento, sed ankoraŭ estas nekonata la kialo. La belorusa komunikilo diras, ke tie loĝis la «fama kreinto de Esperanto» ekde 1893 ĝis 1897 por poste reveni al Varsovio. La domo estis konstruita en 1870, kaj nun ĝi estas arĥitektura monumento protektata de la Ŝtato. Ekde 2012 la domo estas rekonstruata kaj estas planita memortabulo pri Zamenhof sur la ekstera muro de la domo.
Fontoj
(Rusa) «В центре Гродно горел старинный дом создателя эсперанто Заменгофа» – Tut.by, 24-05-2014 (arkivita [ ]) (Rusa) Виктор САЯПИН «Виртуальная экскурсия по Гродно: улица Кирова» – Газета Гродненская, 20-05-2014 (arkivita [ ])
«Fajro en domo de Zamenhof» – [[Libera Folio]], 26-05-2014 (arkivita [ ]) [[Kategorio:Artikoloj kun informo de Libera Folio]]
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |