60,6 milionoj da personoj parolas alian lingvon ol la anglan hejme en Usono
Ĵaŭdo, la 8-a de aŭgusto 2013
Laŭ censo, 60,6 milionoj da personoj en Usono parolas hejme alian lingvon ol la anglan, kaj el tiuj, preskaŭ du trionoj parolas la hispanan. La hispana estas la dua plej parolata lingvo en Usono kun 37,6 milionoj da parolantoj, tio estas 12,9% el la tuta loĝantaro de la nordamerika lando.
Sekvas la ĉina (2,9 milionoj), la tagaloga (1,6 milionoj), la vjetnama (1,4 milionoj), la franca (1,3 milionoj), la germana kaj la korea (1,1 milionoj). El la parolantoj de la franca kaj la germana pli ol 80% scipovas la anglan "tre bone", kaj el la parolantoj de la ĉina, korea aŭ vjetnama malpli ol 50% scipovas la anglan je tiu nivelo. El la parolantoj de hispana nur 5,6% ne scipovas la anglan "tre bone". Laŭ la censo tio signifas ke la dulingvismo ne afektiĝas pro la hejma parolado de la hispana.
La elcento da personoj kiuj ne parolas la anglan hejme ŝanĝas multe inter la ŝtatoj. De 44% en Kalifornio ĝis nur 2% en okcidenta Virginio. La urbo de Laredo, en Teksaso, estas la municipo kun pli da neanglalingvanoj, 92% el la municipo.
Fontoj
(es) EFE «Casi 38 millones de personas en EE.UU. hablan español en casa, según censo» – El País (Colombia), 8-a de aŭgusto 2013 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |