Ĉinio kompletigis sian tergloban navigadan satelitan sistemon

Mardo, la 23-a de junio 2020

Orbito de Beidou-3.

La 23-an de junio je 9:43 Ĉinio sukcese lanĉis sateliton Beidou-3, kompletiginte kreadon de la propra tergloba navigada satelita sistemo (TNSS) Beidou. Nun ĝi kovras la tutan surfacon de la Tero, garantiante ene de Azio kaj la Pacifiko unikan precizecon ĝis 10 cm (GPS — ĝis 30 cm). La satelito estis sendita al kosmo per raketo Longa Marŝo — 3B el la Xichang-a Satelit-Lanĉa Centro (Siĉuano).

La projekto estis iniciita en 1994, ĝia realigo komenciĝis en 2000 kaj finiĝis duonjaron pli frue ol planite. Dum la unua etapo estis kovrita la teritorio de Ĉinio, dum la dua — Azio kaj la Pacifiko, kaj la tria etapo kovris la tutan planedon. 44 lanĉoj estis plenumitaj per raketoj Longa Marŝo — 3A, liverinte al kosmo kvar eksperimentajn satelitojn BDS-1 kaj 55 konstelaciajn satelitojn BDS-2 kaj BDS-3. Kreado de la konstelacia sistemo komenciĝis en 2017, post kio en 2,5 jaroj estis plenumitaj 18 lanĉoj. Laŭ neoficialaj datumoj, la programo kostis al Ĉinio ĉirkaŭ 10 miliardojn da dolaroj.

La propra TNSS ebligos al Ĉinio kontentigi siajn bezonojn sendepende de la usona GNS kaj aliaj sistemoj kiel Galileo de Eŭropa Unio kaj GLONASS de Rusio. En 2013 Tajlando kaj Pakistano iĝis la unuaj landoj krom Ĉinio kie ekfunkciis Beidou. En Ĉinio mem en 2019 jam pli ol 70% de la movtelefonoj estis konektitaj al tiu ĉi sistemo, inkluzive modelojn produktitajn de Huawei, Oppo, Xiaomi, Vivo and Samsung. Nun ĝi jam estas uzata en duono de la landoj de la mondo.

Sekva etapo de la evoluigo de la sistemo devos finiĝi en 2035. La satelitoj kaj misiloj estis kreitaj de la Ĉina Akademio pri Kosma Teknologio kaj la Ĉina Akademio pri Lanĉila Teknologio. 　　

Fontoj

([[Lingvo ruse|ruse]]) Евгений Хвостик «Китай успешно завершил развертывание спутниковой навигационной сети—конкурента GPS» – [[Kommersant]], 23-09-2019 (arkivita [ ]) [[Kategorio:Artikoloj kun informo de Kommersant]]

([[Lingvo angle|angle]])  «The BDS-3 Constellation Deployment Is Fully Completed Six Months Ahead of Schedule UNOOSA Sends a Congratulation Letter» – [[Beidou]], 23-06-2020 (arkivita [ ]) [[Kategorio:Artikoloj kun informo de Beidou]]

([[Lingvo angle|angle]])  «BeiDou: China launches final satellite in challenge to GPS» – [[BBC]], 23-06-2020 (arkivita [ ]) [[Kategorio:Artikoloj kun informo de BBC]]

([[Lingvo angle|angle]]) Arjun Kharpal «China aims to complete its own GPS system, giving Beijing military independence in case of conflict» – [[CNBC]], 21-06-2020 (arkivita [ ]) [[Kategorio:Artikoloj kun informo de CNBC]]

([[Lingvo angle|angle]]) Ryan Woo, Liangping Gao «China set to complete Beidou network rivalling GPS in global navigation» – [[CNBC]], 23-06-2020 (arkivita [ ]) [[Kategorio:Artikoloj kun informo de CNBC]]

([[Lingvo Esperanto|Esperanto]]) 祃璟琳 «Kompletigo de tutgloba navigada konstelacio de BeiDou reflektas neelĉerpeblan movforton de Ĉinio por teknologia novigado» – [[Ĉina Radio Internacia]], 23-06-2020 (arkivita [ ]) [[Kategorio:Artikoloj kun informo de Ĉina Radio Internacia]]

Vi povas disvastigi ĉi-tiun artikolon per Interkonaj retejoj

Ĉu vi havas opinion pri temo de la artikolo? Esprimu ĝin!

Serva informo pri ci-tiu paĝo: • Mallonga ligilo • • Informo pri ĉi-paĝo