Norvega atleto gajnis la oran medalon ĉe la Atletika Monda Ĉampioneco en Dohao
Merkredo, la 2-a de oktobro 2019
|
 |
|
|
_(cropped).jpg)
Foto: Erik van Leeuwen
La 30-an de septembro 2019, Karsten Warholm de Norvegio gajnis la oran medalon je la 400-metra barierokurado ĉe la Atletika Monda Ĉampioneco de la Internacia Asocio de Atletikaj Federacioj (IAAF) en Dohao, la ĉefurbo de Kataro. Li sukcese defendis sian 2017-an titolon, kiun li gajnis en Londono, Britujo. La Atletika Monda Ĉampioneco okazas ĉiun duan jaron.
Warholm, kiu havas 23 jarojn, gajnis la oron kun kurtempo de 47,42 sekundoj. La arĝentan medalon gajnis Rai Benjamin de Usono, kiu kuris je 47,66 sekundoj. Abderrahman Samba de Kataro gajnis la bronzan medalon kun tempo de 48,03 sekundoj.
Warholm aldiris BBC Sport: «Tiu ĉi estas tre malfacila kuro. Mi efektive sentis, ke mia koro ĉesus [...] Mi pensis, ‹Mi mortos, sed tio estos peninda› ». Li ankaŭ komentis pri la estonteco: «Estas nur la komenco kaj mi estas tre bonŝanca por gajni [...] Estas meritite sed en la estonteco tiuj ĉi uloj estos pli malfacile venkotaj. Morgaŭ mi devos ellitiĝi kaj labori ankaŭ. Tio estas kion mi ŝatas.»
Antaŭ tiu ĉi jaro, Warholm metis personan plej bonan tempon de 46,92 sekundoj en la 400-metra barierokurado, la dua plej rapida tempo en la rekordoj de la evento. La mondrekordo estas 46,78 sekundoj de Kevin Young. Tiu ĉi rekordo staras de 1992.
Fontoj
Ĉi tio estas plena aŭ parta traduko de la artikolo Norway's Warholm wins gold in 400 m hurdles at World Championships in Doha, el en Vikinovaĵoj (publikigita laŭ la permesilo Atribuite 2.5 Ĝenerala de Creative Commons).
- (angla) «The Latest: Warholm wins 400 hurdles, host Qatar gets medal» – Associated Press, 30-09-2019 (arkivita [ ])
- (angla) Saj Chowdhury «Karsten Warholm retains 400m hurdles title at World Athletics Championships» – BBC Sport, 30-09-2019 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |