Kraŝis la pola prezidenta aviadilo
Sabato, la 10-a de aprilo 2010
Ĉi tiu artikolo estas bazita sur artikolo el Vikipedio, kaj tial estas disponebla nur laŭ la permesilo CC BY-SA 3.0. Informojn pri la fonto vidu sube.
Kraŝo de la pola prezidenta aviadilo okazis apud la rusia urbo Smolensk la 10-an de aprilo 2010 je la horo 7:56 laŭ UTC (8:56 laŭ la mez-eŭropa kaj 10:56 laŭ la loka tempozono). Laŭ la unuaj informoj la kaŭzo de la akcidento estis, ke la aviadilo kroĉis arbon pro la nebulo, ĉirkaŭ 1,5 km for de la armea flughaveno Smolenska-Norda (Смоленск-Северный) kaj 300 metrojn flanke de la alteriĝa vojo. En la aviadilo Tu-154 flugis la pola prezidento Lech Kaczyński kun sia edzino, registara reprezentantaro, parlamentanoj kaj la plej altaj polaj oficistoj, inkluzive de la komandantaro de la pola armeo. La reprezentantaro estis survoje al la solenaĵoj ligitaj kun la datreveno de la masakro de Katin.
Laŭ nekonfirmitaj raportoj la rusaj aŭtoritatoj estis malkonsilintaj la alteriĝon en Smolensk pro malbona vetero kaj rekomendintaj iri al Moskvo, 350 km oriente, aŭ al Minsko, 300 km okcidente, en Belorusio. La aviadilanoj tamen decidis alteriĝi kaj kvarfoje devis rezigni (resupreniĝi). Ĉe la kvara provo okazis la akcidento.
La estro de la Smolenska provinco konfirmis, ke neniu postvivis tiun ĉi katastrofon. Laŭ rusiaj informagentejoj, aviadile estis 132 personoj. La pola ministerio pri eksterlandaj aferoj informis sekve, ke mortis 96 personoj – 88 pasaĝeroj kaj 8 deĵorantoj. Unu persono el la pasaĝera listo, Zofia Kruszyńska-Gust, ne venis al la ekflugo.
Ĉirkaŭ la 9:26 (laŭ UTC) estis donita la informo, ke la prezidenta paro ne vivas.
Laŭ la Konstitucio de Pola Respubliko, ĉiujn devojn de la mortinta prezidanto transprenis la marŝalo de Sejmo, Bronisław Komorowski.
Fontoj
[[Vikipediistoj]] «Kraŝo de la pola prezidenta aviadilo en 2010» – Vikipedio, 10-a de aprilo 2010 (arkivita [ ]) «Rusio konstatis morton de 96 homoj en kraŝo de pola aviadilo» – Ĉina Radio Internacia, 11-a de aprilo 2010 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |