Forpasis Geraldo Mattos
|
 |
|
|
Lundo, la 24-a de marto 2014
Hieraŭ, dimanĉo la 23-an de marto je la tagmezo, Geraldo Mattos forpasis en sia hejmo. Mattos estis membro de la Akademio de Esperanto de 1970 kaj ties prezidanto de 1998 ĝis 2007.
Geraldo Esperanton lernis dum 1947 kaj multe verkis en ĝi, ĉefe pri la Esperantaj participoj. Li diplomiĝis pri la latina kaj latinidaj lingvoj en la Pontifika Katolika Universitato de Paranao en 1958 kaj doktoriĝis pri filologio en la Federacia Universitato de Paranao en 1965.
Pasintoktobre Mattos eksuferis pro cerbovaskula akcidento kaj de tiam li devis esti flegata duonhejme duonmalsanuleje. Jam pasintsemajne li malfacile babilis, kvankam lia menso restis vigla kaj lia humoro bona.
Geraldo Mattos estis honora membro de Kolombia Esperanto-Ligo, redaktoro de la rubrikoj "poezio" kaj "noveloj" de gazeto Monato, aŭtoro kaj membro de la internacia komisiono, kiu prizorgas la elekton de la Esperantisto de la Jaro.
Fontoj
Halina Gorecka kaj Aleksander Korĵenkov «Geraldo Mattos forpasis» – [[la Balta Ondo]], 24-a de marto 2014 (arkivita [ ]) [[Kategorio:Artikoloj kun informo de la Balta Ondo]] Ivan Colling «Forpasis Geraldo Mattos» – [[Libera Folio]], 24-a de marto 2014 (arkivita [ ]) [[Kategorio:Artikoloj kun informo de Libera Folio]]
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |