La Simpsonoj ne plu uzos blankulojn por voĉigi ne-blankulajn rolulojn
Sabato, la 27-a de junio 2020
La 26-an de junio produktoro de la animacia televidserio diris, ke La Simpsonoj ne plu uzos blankulojn por voĉigi ne-blankulajn rolulojn. Temas unuavice pri Apu Nahasapeemapetilon, baratdevena posedanto de superbazareto Kwik-E-Mart en Springfield. Dum pluraj jaroj lin voĉigis blankulo Hank Azaria. La rolulo mem estis plurfoje kritikata pro karikatura bildigo de la usonaj baratdevenuloj.
Hank Azaria jam anoncis ĉi-jare, ke li ne plu voĉigos tiun ĉi rolulon. Cetere li voĉigas ankaŭ nigrulon-policanon Lou kaj meksikdevenulon Bumblebee Man. Alia blankula aktoro Harry Shearer voĉigas nigrulan doktoron Hibbert.
Antaŭe aliaj blankulaj aktoroj, inkluzive de Mike Henry en la animacia televidserio Family Guy (la voĉo de Cleveland Brown) kaj Kristen Bell en Central Park (Martha) diris, ke ili ne plu voĉigos neblankulajn rolulojn.
Fontoj
([[Lingvo angle|angle]]) «The Simpsons stops using white actors to voice non-white characters» – [[The Guardian]], 27-06-2020 (arkivita [ ]) [[Kategorio:Artikoloj kun informo de The Guardian]]
([[Lingvo angle|angle]]) Jill Serjeant «The Simpsons ditches using white voices for characters of colour» – [[The New York Times]], 27-06-2020 (arkivita [ ]) [[Kategorio:Artikoloj kun informo de The New York Times]]
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |