Monda Organizaĵo pri Sano: Estas «ekstreme malprobable» ke KOVIM-19 originis el ĉina laboratorio
Mardo, la 9-a de februaro 2021
Teamo de internaciaj specialistoj, senditaj de la Monda Organizaĵo pri Sano (MOS) al Ĉinio por enketi la originon de la kronviruso (KOVIM-19), finis sian laboron je ĉi tiu mardo, la 9-an de februaro.
La ĉefo de la teamo, Peter Ben Embarek, atestis ke la hipotezo, ke la viruso unuafoje ekaperis en Vuhano, estas «ekstreme malprobabla». Vuhano estas la urbo kiu registris la plej fruajn ekzemplerojn de infektiĝo, en la lastaj monatoj de 2019.
Li ankaŭ diris, ke la viruso devas esti daŭre enketata, tamen «ĉiu laboro, kiu estis plenumita celante identigi la originon de la kronviruso, ankoraŭ indikas al fonto natura».
Dum la 12-taga vizito, la teamo de MOS vizitis la Instituton de Virusologio de Vuhano kaj la merkaton en Huanano, kiu vendas viandon kaj ankoraŭ vivajn bestojn por manĝaĵo. S-ro Embarek diris, ke vespertoj kaj manisoj povis roli kiel parazitatoj; plue, estas malprobable ke la transiro de bestoj al homoj okazis en Vuhano.
Laŭ la specialisto, «la vojo de la viruso disde besto, senkonsidere al la specifa specio, ĝis la merkato de Huanano povis esti tre longa, komplika kaj ampleksanta movadon tra limoj.»
Fontoj
Ĉi tio estas plena aŭ parta traduko de la artikolo Covid-19: OMS anuncia que é “extremamente improvável" que vírus tenha se originado em laboratório chinês, el portugalaj Vikinovaĵoj (publikigita laŭ la permesilo Atribuite 2.5 Ĝenerala de Creative Commons).
- (portugale) «Especialistas dizem que é “extremamente improvável" que Covid-19 tenha origem em laboratório» – ONU, 09-02-2021
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |