Saltu al enhavo

Firefox 4.0b8, kun plibonigoj je Sync kaj WebGL, kaj la nova menuo ĉe GNUo-Linukso

Aldoni ligilojn
El Vikinovaĵoj, libera retgazeto

Ĵaŭdo, la 23-a de decembro 2010

Merkrede Mozilo eldonis la okan beta-version de Fajrovulpo 4.

Preta reveni al la tradicia menuaranĝo de la (volonte elektita) nova

Ĉefaj novaĵoj

Nun la GNU-Linuksaj kunmetaĵoj havas kapablon kaŝi la tradician menustrion kaj montri prembutonon "Firefox", kiu aperigas novan dukolumnan menuon. Por fari tion, marku en la menuo "Vidi → Ilaraj strioj" menueron "Strio de menuo". La menuoj de la menustrio plu estos atingeblaj per premo de "Alt" kaj koncerna fulmoklavo.

Por reveni al la kutima menuaranĝo, malmarku la saman menueron en la submenuo "Preferoj" de la menuo "Firefox" (vidu la bildon).

WebGL

Estis faritaj diversaj plibonigoj al la kapabloj laŭ WebGL, normo pri tridimensia bildigado per <canvas> sen uzo de kromprogramoj, utila precipe por ludoj.

En la kunmetaĵoj por Mac OS X kaj Vindozo la WebGLa funkcio estas antaŭŝaltita. En la GNU-Linuksaj kunmetaĵoj ĝi estas neŝaltita[1], sed ŝaltebla en about:config (tamen la fakto, ke komence ĝi estas malŝaltita, povas aludi eblan malstabilon).

Ekzistas granda ekzempligaĵo pri WebGL kaj Audio API, nome "Flight of the Navigator". Ĝi ne estas antaŭpreparita filmo (kvankam ĝi inkluzivas ankaŭ filmojn), nek peco da Adobe Flash, sed (almenaŭ formale) TTT-paĝo, funkcianta per CSS, JavaScript, kaj HTML5-aĵoj kiel <canvas>, WebGL, <audio> kaj <video>. Se vi estas preta elŝuti multe da datenoj, vi povas aŭ testi ĝin mem, aŭ spekti ekranfilmon faritan dum tia testado.[2]

Cetere

  • Administrilo de aldonaĵoj ricevis kelkan poluron de sia aspekto.
  • Okazis iaj grandaj ŝanĝoj al agordilo de Firefox Sync.

Referencoj

  1. ↑ (angle) Vladimir Vukićević «WebGL in Firefox 4 Beta 8» – (bloge), 21 Dec. 2010 (arkivita [ ])
  2. ↑ (angle) Paul Rouget «Firefox 4 Beta: Latest Update is Here, with WebGL» – Mozilla Hacks (blogo), 22 Dec. 2010 (arkivita [ ])

Fontoj

(angle) - «Mozilla Firefox 4 Beta 8 Release Notes» – Mozilo, 22 Dec. 2010 (arkivita [ ])

Elŝuti

Vidu ankaŭ


Vi povas disvastigi ĉi-tiun artikolon per Interkonaj retejoj 
Retpoŝti tion Disvastigi en Facebook Disvastigi en Digg.com Disvastigi en delicious Disvastigi en stumbleupon.com Disvastigi en Technorati Disvastigi en Twitter Disvastigi en NewsTrust Disvastigi en MySpace Disvastigi en Identi.ca Disvastigi en Menéame Disvastigi en Fresqui Disvastigi en Newsvine Disvastigi en Telegram

Opiniu! Ĉu vi havas opinion pri temo de la artikolo? Esprimu ĝin!

Serva informo pri ci-tiu paĝo:  d:Q19761156 • Mallonga ligilo • renovigi ĉi-paĝon • Informo pri ĉi-paĝo
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu.
Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn.
Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo.
Elŝutita el "https://eo.wikinews.org/w/index.php?title=Firefox_4.0b8,_kun_plibonigoj_je_Sync_kaj_WebGL,_kaj_la_nova_menuo_ĉe_GNUo-Linukso&oldid=172699"