Fakuloj konfirmas, ke la kontraŭkronvirusa vakcino de AstraZeneca estas sendanĝera al homoj aĝantaj pli ol 65 jarojn
.jpg)
Sabato, la 13-a de februaro 2021
La Faka Grupo pri Strategia Aprezado (konata sub la mallongigo SAGE laŭ ties angla nomo) de la Monda Organizaĵo pri Sano (MOS) determinis, en scienca artikolo, ke la vakcino AZD1222 disvolvita de la Universitato de Oksfordo kaj la brita farmakologia firmao AstraZeneca estas sendanĝera al homoj aĝantaj pli ol 65 jarojn, kaj al homoj havantaj kunmorbidecojn.
La faka artikolo, kiu estis publikigita la 10-an de februaro, indikis ke la imunaj reagoj kaŭzitaj de la vakcino en la organismo «estas bone dokumentitaj» ĉe malunuloj, kaj en ili ne observiĝis signifaj reakcioj. La grupo aldonis ke, samkiel al la ĵusmenciita parto de la populacio, la vakcino estas sendanĝera ankaŭ al personoj kun kunmorbidecoj kiel obezeco, kardiovaskulaj malsanoj, spiraj/pulmaj malsanoj kaj diabeto. Tamen ĝi restos ne sendanĝera por injektado al personoj aĝantaj malpli ol 18 jarojn, ĝis kiam estos pliaj esploroj kaj pruvaĵoj ĉe tiu aĝogrupo.
La plena dokumento, havebla ĉe la retejo de MOS, nomiĝas Intertempaj rekomendoj por la uzado de la AZD1222 (ChAdOx1-S [rekombinanta]) vakcino kontrau KOVIM-19 disvolvita de la Universitato de Oksfordo kaj AstraZeneca: intertempa konsilo.
Fontoj
Ĉi tio estas plena aŭ parta traduko de la artikolo Expertos confirman que vacuna de AstraZeneca es segura para mayores de 65 años, el hispanaj Vikinovaĵoj (publikigita laŭ la permesilo Atribuite 2.5 Ĝenerala de Creative Commons).
(angle) «Interim recommendations for use of the AZD1222 (ChAdOx1-S [recombinant) vaccine against COVID19 developed by Oxford University and AstraZeneca: interim guidance, 10 February 2021]» – Monda Organizaĵo pri Sano, 10-02-2021 (arkivita [ ]) (hispane) «OMS avala uso de vacuna contra COVID de AstraZeneca en personas mayores de 65 años» – Animal Político, 11-02-2021 (arkivita [ ])
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |
|
|
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |