Estas malpermesita eksporto de greno el Rusio

Aldoni ligilojn
El Vikinovaĵoj, libera retgazeto

Dimanĉo, la 15-a de aŭgusto 2010

Hodiaŭ ekefikis provizora malpermeso de eksportado de greno el Rusio, kiu validos ĝis la fino de tiu ĉi jaro. Tiu decido estis farita de la Rusia registaro la 5-an de aŭgusto.[1]

Neeksportendaj estas tritiko, sekalo, miksaĵo de ili (ruse: меслин); hordeo, maizo; faruno tritika kaj tritika-sekala.[1]

Pro la eksterordinara varmego kaj trosekeco ĉi-somere, la prognoza grenrikolta kvanto malgrandiĝis ĝis 60-65 milionoj tunoj.[2][3] Lastjare estis rikoltitaj 97 milionoj tunoj da greno.[2][3]

Grenprovizo restanta de pasintaj jaroj estas taksita de Rosstat je 21,7 milionoj da tunoj, dum de iuj aliaj je 16-18 milionoj.[4][5]

Laŭprognoze, por si mem Rusio en la terkultura jarperiodo de 2010-2011 bezonos ĝis 78-79 milionojn da tunoj.[4][5][6]

Inter la landoj importintaj lastatempe grenon el Rusio estis Egiptio, Turkio, Pakistano, Azerbajĝano, Sirio, Jordanio, Irano, Libio, Sauda Arabio, Bangladeŝo kaj Jemeno.[2][4][5][7] Ĝi estas la kvara plej granda greneksportanto, post Usono, Eŭropa Unio kaj Kanado.[2][3][6][7]

Referencoj

  1. ↑ 1,0 1,1
  2. ↑ 2,0 2,1 2,2 2,3
  3. ↑ 3,0 3,1 3,2
  4. ↑ 4,0 4,1 4,2
  5. ↑ 5,0 5,1 5,2
  6. ↑ 6,0 6,1
  7. ↑ 7,0 7,1

Vidu ankaŭ



Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu.
Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn.
Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo.
Elŝutita el "https://eo.wikinews.org/w/index.php?title=Estas_malpermesita_eksporto_de_greno_el_Rusio&oldid=11161"