Eldono de Fajrovulpo 3.6.11 kaj 3.5.14, Tondrobirdo 3.1.5 kaj 3.0.9; proksimiĝanta fino de Tb 3.0
Merkredo, la 20-a de oktobro 2010
Je la 19-a de oktobro Mozilo faris laŭvicajn eldonojn de Fajrovulpo (versioj 3.6.11 kaj 3.5.14) kaj Tondrobirdo (3.1.5 kaj 3.0.9). Versio 3.0.9 estas la antaŭlasta eldono de Tondrobirdo 3.0.x.
Sekurkorektoj
[redakti]En Tondrobirdo estis korektitaj:
- 5 malsekuroj de grandega graveco ("critical"),
- 1 de granda,
- 1 de meza, kaj
- 1 de malgranda.[1]
Samaj malsekuroj, kaj ankoraŭ 1 grandgraveca, estis korektitaj en Fajrovulpo.[2]
Koncerne nur Tondrobirdon
[redakti]En ambaŭ eldonoj de Tondrobirdo estas forigitaj problemoj malebliginta samtempan malfermon de pli ol naŭ retleteroj, kaj malŝparinta en Vindozo 12 megabajtojn da memoro ĉe ĉiu kontrolo pri haveblo de novaj retleteroj.[3]
En Tondrobirdo 3.0.9 estas forigitaj du problemoj pri plenumĉesiĝo en Vindozo, kiuj antaŭe jam estis korektitaj en 3.1.x per 3.1.4.[4][3]
En 3.1.5 okazis ankaŭ jenaj ŝanĝoj:
- antaŭe ne montriĝis bildoj enmetitaj de uzanto dum redaktado de mesaĝo iniciatita per "mailto:"-a ligilo;
- adapto de serĉfolio por teksto skribata de dekstre-maldekstren;
- Tondrobirdo nun enhavos kopion de la "nigra listo" de fuŝaj aldonaĵoj, por ke uzanto ne devu atendi laŭvican elŝuton de la listo,
- enporto el Outlook 2002 ne plu simplatekstigos HTMLajn retleterojn,
kaj kelkaj aliaj.
Tondrobirdo 3.0.10, eldonota laŭ la plano ĉi-jare, estos la lasta oficiala versio ĉe la branĉo 3.0. Tamen Mozilo plu kunlaboros kun perantaj firmaoj pri ekstraj servoj koncernantaj la malnovajn eldonaĵojn.[5]
Koncerne Fajrovulpon
[redakti]En Fajrovulpo ankaŭ okazis multaj ŝanĝoj, inter kiuj estas
- korekto de problemo iginta Vindozon 7 misapliki kongruechelpilon al Fajrovulpo anstataŭ nur al elŝutita programo,[6]
- blanklistigo (senagord-uz-ebligo) de kelkaj retregionoj kun nelatinliteraj nomoj (de Ĉinio, Honkongo, Sauda Arabujo kaj Tajvano).[7]
Referencoj
[redakti]- ↑
- ↑
- ↑ 3,0 3,1 https://bugzilla.mozilla.org/show_bug.cgi?id=542234
- ↑
- ↑ (angle) rebron «Sunset Plan Announcement For Thunderbird 3.0.x» – Mozilo, 19 Okt. 2010 (arkivita [ ])
- ↑ https://bugzilla.mozilla.org/show_bug.cgi?id=567497
- ↑ https://bugzilla.mozilla.org/show_bug.cgi?id=595865
Fontoj
[redakti](angle) rebron «Thunderbird 3.1.5 and 3.0.9 Updates Are Now Available» – Mozilo, 19 Okt. 2010 (arkivita [ ]) (angle) Christian Legnitto «Firefox 3.6.11 and 3.5.14 security updates now available» – Mozilo, 19 Okt. 2010 (arkivita [ ])
Vidu ankaŭ
[redakti]- Eldonetoj de Mozila Tondrobirdo: 3.1.4 kaj 3.0.8 (17 Sep. 2010)
- Eldono de SeaMonkey 2.0.8 kaj Firefox 3.6.10 kaj 3.5.13 forigas problemon pri ĉestarta plenumĉesiĝo (16 Sep. 2010)
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |