Britio agnoskis ke Voroneĵo estas parto de Rusio
![](http://upload.wikimedia.org/wikipedia/commons/thumb/9/9b/20210712-OSEC-TEW-340_%2851306999396%29.jpg/220px-20210712-OSEC-TEW-340_%2851306999396%29.jpg)
Vendredo, la 11-a de februaro 2022
La 10-an de februaro brita ministro pri eksteraj aferoj Liz Truss venis al Rusio por intertraktoj kun sia rusia kolego Sergej Lavrov. Dum konversacio ŝi postulis forigi rusiajn trupojn de limo de Ukrainio al kio Sergej Lavrov respondis, ke rusiaj trupoj rajtas troviĝi ie ajn sur la teritorio de Rusio kaj demandis: "Vi ja rekonas suverenecon de Rusio super Rostova kaj Voroneĵa provincoj?" Liz Truss post mallonga paŭzo respondis: "Britio neniam agnoskos suverenecon de Rusio super tiuj ĉi regionoj". La konfuzon solvis brita ambasadoro Deborah Bronnert, kiu delikate klarigis al sia ministro ke tiuj ĉi provincoj efektive estas parto de Rusio.
Poste la brita ministro diris ke ŝi miskomprenis sian rusian kolegon kaj ne pridubas suverenecon de Rusio super la menciitaj regionoj: "Dum la renkontiĝo ŝajnis al mi ke ministro Lavrov parolas pri parto de Ukrainio. Mi klare komprenigis ke tiuj ĉi provincoj estas suverena parto de Rusio".
Liz Truss jam plurfoje publike montris siajn magrajn konojn de historio kaj geografio. La 21-an de januaro dum parolado en Aŭstralio ŝi diris ke ukraina popolo montros kuraĝan reziston kaze de rusia agreso, ĉar Ukrainio jam spertis plurajn invadojn — "de mongoloj ĝis tataroj".
![]() |
Ukrainio estas fiera lando kun plurjarcenta historio. Ili konis invadojn ankaŭ pasintece — de mongoloj ĝis tataroj. Ili suferis pro malsatego, aranĝita de la ŝtato. Ilia stabileco estas pli ol sufiĉa. Se necesos, ili militos por defendi sian landon. | ![]() — Liz Truss, ministro pri eksteraj aferoj de Britio
|
![](http://upload.wikimedia.org/wikipedia/commons/thumb/5/55/Maria_Zakharova_2018.jpg/220px-Maria_Zakharova_2018.jpg)
Reage al tio proparolanto de la Ministerio pri eksteraj aferoj de Rusio Maria Zaĥarova en sia Telegram-kanalo prezentis tri demandojn al la brita ministro:
![]() |
1. Kiom da jaroj pasis inter la du invadoj: la mongola kaj la tatara?[1] 2. Ĉu ŝi ne menciis suferojn de la ukrainoj de faŝismo pro tio ke ili estis malgravaj aŭ pro tio ke ĝis la 40-aj jaroj de la 20-a jarcento la brita krono eĉ ne simple subtenis la germanan faŝismon, sed admiris ĝin? 3. Kiu lernejo donis al s-no Truss diplomon? |
![]() — Maria Zaĥarova, proparolanto de la Ministerio pri eksteraj aferoj de Rusio
|
La 22-an de januaro la brita ministro akuzis Rusion pri preparado de ŝtatrenverso en Ukrainio kun celo enpostenigi "porrusian" ukrainan politikiston Jevgenij Murajev. La menciita politikisto en komento por la brita gazeto Observer diris ke tiu aserto aspektas mallogika, ĉar li estas trafita de rusiaj sankcioj kaj eĉ mono de lia patro en Rusio estas konfiskita.
En januaro 2022 la brita ministro rakontis en intervjuo al BBC, ke Britio planas plu deteni Rusion kaj subtenas siajn aliancanojn: "Ni ankaŭ plu provizas kaj donas aldonan subtenon al niaj baltaj aliancanoj tra la Nigra maro". Maria Zaĥarova denove reagis al tio per sarkasma komento:
![]() |
S-no Truss, via kono de historio estas nenio kompare al via kono de geografio. Por "defendi Baltion" necesas agi ne tra la Nigra maro, sed tra la Balta. La Baltaj landoj nomiĝas tiel (en la angla — Baltic States), ĉar ili situas ĉe la bordoj de tiu ĉi maro. Ne ĉe la Nigra... Ĉiam pli reliefiĝas sur la sablo de la Balta Nigramara regiono demando: kie studis s-no Truss kaj kiel ŝi estis okupanta kelkajn ministrajn postenojn kun tia highly likely edukiteco? Se necesas iun de io savi, do la mondon de stulteco kaj needukiteco de anglosaksaj politikistoj. La estro de Foreign Office devas ion fari pri geografio. Eĉ ne pro tio ke tio estas brita ministro pri eksteraj aferoj — surbaze de kiuj kriterioj estas distribuataj ministraj postenoj en la evoluintaj monarĥiaj demokratioj ne estas nia afero. Sed pro tio ke Anglio antaŭe estis granda mara potenco kaj ĝi restas la mara ĝis nun. |
![]() — Maria Zaĥarova, proparolanto de la Ministerio pri eksteraj aferoj de Rusio
|
Fontoj
[redakti]([[Lingvo ruse|ruse]]) «Захарова высмеяла Лондон за "поддержку стран Балтии через Черное море"» – [[RIA Novosti]], 02-02-2022 (arkivita [ ]) [[Kategorio:Artikoloj kun informo de RIA Novosti]]
([[Lingvo ruse|ruse]]) «Захарова задала главе МИД Британии три вопроса после ее слов об Украине» – [[RIA Novosti]], 21-01-2022 (arkivita [ ]) [[Kategorio:Artikoloj kun informo de RIA Novosti]]
([[Lingvo ruse|ruse]]) Вероника Вишнякова, Евгения Воропаева «Британский министр объяснила слова о суверенитете над Воронежем» – RBC, 10-02-2022 (arkivita [ ])
([[Lingvo ruse|ruse]]) «Защитить страны Балтии через Черное море: Захарова высмеяла главу МИД Британии» – RuBaltic.Ru, 02-02-2022 (arkivita [ ])
([[Lingvo ruse|ruse]]) «"Мне показалось, что Лавров говорит об Украине". Главе МИД Британии Лиз Трасс пришлось объясняться из-за оговорки о Ростове и Воронеже» – [[BBC]], 10-02-2022 (arkivita [ ]) [[Kategorio:Artikoloj kun informo de BBC]]
([[Lingvo angle|angle]]) Michael Holden «UK accuses Kremlin of trying to install pro-Russian leader in Ukraine» – [[Reuters]], 23-01-2022 (arkivita [ ]) [[Kategorio:Artikoloj kun informo de Reuters]]
Referencoj
[redakti]- ↑ Tataroj estis parto de mongoloj, ofte tiuj etnonimoj estis uzataj kiel sinonimoj.
Vi povas disvastigi ĉi-tiun artikolon per Interkonaj retejoj |
|
|
- 11-a de februaro 2022
- Februaro de 2022
- 11-a de februaro
- Rusio
- Artikoloj kun informo de РБК
- Artikoloj kun informo de RuBaltic.Ru
- Publikigitaj artikoloj
- Geografio
- Eŭrazio
- Eŭropo
- Ukrainujo
- Politiko de Ukrainujo
- Britujo
- Donbasa milito
- Armitaj trupoj de Rusio
- Ekstera politiko de Rusio
- Ekstera politiko de Britio
- Sergej Lavrov
- Maria Zaĥarova
- Liz Truss
- Rostova provinco
- Voroneĵa provinco