Aviadilo de AirAsia malaperis super la Java Maro

Mondo > Eŭrazio > Azio > Sud-Orienta Azio > Indonezio > Bangka-Belitungo > Belitungo >

Indonezio

18 apr. 2024: Mallongaj novaĵoj de 18-a de aprilo 2024
8 feb. 2020: Unuaj eksterlandanoj mortis en Ĉinio pro la koronoviruso
3 feb. 2020: La ĉina registaro ordonis devigan kvarantenon al ĉiuj infektitoj kaj iliaj kontaktuloj
3 jan. 2015: Malaperinta flugo de AirAsia ne havis permeson flugi tiun tagon

Dimanĉo, la 28-a de decembro 2014

La aviadilo Airbus A320 de AirAsia malaperis super la Java Maro, Indonezio, antaŭ kelkaj horoj laŭ raporto de la entrepreno publikigita hodiaŭ. En la aviadilo estis almenaŭ 155 personoj, sed laŭ aliaj raportoj tie estis 162 personoj.

Funkciulo de la indonezia Ministerio pri Transporto, Hadi Mustofa, konfirmis, ke la aviadilo perdis kontakton kun la kontrolturo en loka tempo 06:17, dum ĝi flugis proksime al insulo Belitungo, situanta kontraŭ la orienta marbordo de Sumatro. La flugo QZ8501 ekflugis de Surabajo, Indonezio, cele de Singapuro, kie ĝi devis surteriĝi en singapura tempo 08:30. Vojaĝis po unu singapurano, malajziano kaj brito, tri koreoj kaj 149 indonezianoj. En la avianaro estis ses indonezianoj kaj unu franco.

CCTV kaj aliaj amaskomunikiloj lokaj raportis, ke oni permesis al la aviadilo ŝanĝi la altecon pro la malbona stato de la Java maro. La aviadilo eniris lokon sen servo de radaro kaj iom poste, kiam ĝi devis reaperi, tion ne faris. Supozeble la aviadilo kraŝis oriente de la insulo Belitungo.

Indonezio kaj Malajzio ekis la serĉ-mision de la aviadilo. AirAsia aktivigis telefonnumeron por familianoj kaj amikoj de la pasaĝeroj.

La pasintan 8-an de marto, la Flugo 370 de Malaysia Airlines malaperis kun 239 personoj kvardek minutojn post la ekflugo el Kuala-Lumpuro, ĉefurbo de Malajzio, cele de Pekino, ĉefurbo de Ĉinio. Krome la pasintan 17-an de julio, la Flugo 17 de Malaysia Airlines kun 295 pasaĝeroj kraŝis en Donecka provinco, kiam ĝi flugis de Amsterdamo al Kuala-Lumpuro.

Fontoj

(es) Colaboradores de Wikinoticias «Avión de Air Asia con al menos 155 personas desaparece en el Mar de Java» – Wikinoticias, 28-12-2014 (arkivita [ ])
(es) «Desaparece un avión de AirAsia con 162 personas a bordo» – HispanTV, 28-12-2014 (arkivita [ ])
(en) AirAsia «AIRASIA INDONESIA FLIGHT QZ8501» – [[Facebook]], 28-12-2014 (arkivita [ ]) [[Kategorio:Artikoloj kun informo de Facebook]]
(en) AirAsia «AirAsia Indonesia regrets to confirm that QZ8501 from Surabaya to Singapore has lost contact at 07:24hrs this morning» – Tvitero, 28-12-2014 (arkivita [ ])

Vi povas disvastigi ĉi-tiun artikolon per Interkonaj retejoj

Ĉu vi havas opinion pri temo de la artikolo? Esprimu ĝin!

Serva informo pri ci-tiu paĝo:

• Mallonga ligilo • renovigi ĉi-paĝon • Informo pri ĉi-paĝo

Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu.
Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn.
Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo.