Artistoj rifuzas reprezenti Ukrainion en la Eŭrovido-Kantokonkurso 2019
|
Merkredo, la 27-a de februaro 2019
La ukraina kantistino MARUV rifuzis reprezenti Ukrainion en la Eŭrovido-Kantokonkurso 2019.
La 23-an de februaro 2019 ŝi venkis en la nacia elektokonkurso. Du tagojn antaŭe la vic-ĉefministro Vjaĉeslav Kirijenko alvokis rezigni je partopreno en la Eŭrovido-Kantokonkurso 2019, ĉar eventualaj partoprenontoj aktive koncertas en Rusio. Tiu eldiro celis MARUV, kiu planis en aprilo 2019 turnei en Rusio kaj la muzikgrupon YUKO, kies ĉefkantistino havas rusian civitanecon, sed dum pluraj jaroj loĝas en Ukrainio. Tamen la televidkanalo STB deklaris, ke ĝi ne planas malkvalifiki la artistojn, kiuj turneas en Rusio, sed eble ŝanĝos siajn regulojn estontece. La ministro pri kulturo promesis, ke la aŭtoritatoj ne enmiksiĝos en la procezo.
Dum la elektokonkurso ĝia gvidanto demandis al MARUV kiel ŝi povas samtempe konsideri sin patrioto de Ukrainio kaj turnei en Rusio kaj ŝi respondis ke “...multaj homoj, kiuj loĝas en Rusio, bonege rilatas al tiuj, kiuj loĝas en Ukrainio. Ili aŭskultas la ukrainan muzikon, inspiriĝas per ĝi”. Ŝi menciis, ke tri landoj proponis al ŝi reprezenti ilin en la Eŭrovido-Kantokonkurso, tamen ŝi deziras fari tion por sia patrujo Ukrainio. Krome ŝi diris la jenon:
![]() |
Kaj mi volas plian fojon memorigi, ke la Eŭrovido-Kantokonkurson oni kreis post la Dua mondmilito por ke la landoj unuiĝu, por ke aperu komuna festo, por ke oni kundividu la kulturon. Kaj mi opinias ke tio estas bonega. Kaj unuavice tio estas Song Contest, sed ne politika balotado. Kun tiu demando vi prefere iru, jen nurajn kelkajn kilometrojn for troviĝas la Verĥovna Rada kaj fari al ili multajn interesajn demandojn, kiujn ili delonge meritas. | ![]() — MARUV
|
Post la venko de MARUV en la elektokonkurso, la Nacia Socia Televidkompanio de Ukrainio (NSTU) enmanigis al ŝi malnetan kontrakton, kiu interalie enhavis malpermeson de la koncertoj en Rusio, kvankam la ukrainiaj leĝoj ne malpermesas tion. Krome ŝi devis proprapoŝe pagi ĉion, transdoni aŭtorajn rajtojn je sia kanto al NSTU, plenumi ĉiujn estontajn postulojn de NSTU ktp. La kantistino rifuzis la kontrakton kaj partoprenon en la Eŭrovido-Kantokonkurso kaj informis pri tio en sia Instagramo-paĝo. Ŝi listigis kelkajn kondiĉojn de la kontrakto kaj nomis ilin sklavaj.
NSTU proponis ĝin al la grupo Freedom Jazz, kiu okupis la duan lokon en la elektokonkurso, sed ankaŭ ĝi rifuzis reprezenti Ukrainion en Tel-Avivo kaj publike sciigis tion la 26-an de februaro ĉe sia Fejsbuko-paĝo.
La 27-an de februaro NSTU faris proponon al la grupo KAZKA, kiu okupis la trian lokon en la elektokonkurso, sed ankaŭ ĝi rifuzis. La grupo famas ankaŭ en Rusio, kie ĝia ukrainlingva kanto "Плакала" (Mi ploris) okupis unuajn lokojn en pluraj kantaj rangolistoj en 2018.
![]() |
Ni iris por tio al la nacia selekto. Sed ni ne bezonas venkon kontraŭ iu ajn prezo. Nia misio estas unuigi homojn per nia muziko, ne semi kverelojn. | ![]() — KAZKA
|
La grupo Brunettes Shoot Blondes, kiu okupis la kvaran lokon en la elektokonkurso, ankaŭ rifuzis reprezenti Ukrainion en la Eŭrovido-Kantokonkurso.
Konsiliano de NSTU Aleksandr Kolcov diris, ke eble Ukrainio tute rezignos je la partopreno en la Eŭrovido-Kantokonkurso 2019, ĉar “...tio estas krizo al kiu mankas klara, sole vera respondo, ĉar la socio estas dividita”.
Vespere la 27-an de februaro la rezigno estis oficiale publikigita en la retejo de la Nacia Socia Televidkompanio de Ukrainio. Ukrainio ne partoprenos en la Eŭrovido-Kantokonkurso 2019.
Fontoj
([[Lingvo ruse|ruse]]) Ольга Корелина «Украинский отбор на «Евровидение» выиграла певица Maruv. Ее не пустили на конкурс из-за гастролей в России» – [[Meduza]], 2019-02-25 (arkivita [ ]) [[Kategorio:Artikoloj kun informo de Meduza]] ([[Lingvo ruse|ruse]]) MARUV «Последние 24 часа были самыми эмоциональными в моей жизни...» – maruvofficial, 2019-02-25 (arkivita [ ]) ([[Lingvo ruse|ruse]]) «Занявшая второе место в украинском отборе на «Евровидение» группа вслед за певицей Maruv отказалась ехать на конкурс» – [[Meduza]], 2019-02-26 (arkivita [ ]) [[Kategorio:Artikoloj kun informo de Meduza]] ([[Lingvo ruse|ruse]]) «Украинские музыканты отказываются от участия в «Евровидении». Список финалистов национального отбора» – [[Meduza]], 2019-02-27 (arkivita [ ]) [[Kategorio:Artikoloj kun informo de Meduza]] ([[Lingvo ruse|ruse]]) «Чтобы не сеять раздор. Группа Kazka тоже отказалась от участия в Евровидении-2019» – Страна.ua, 2019-02-27 (arkivita [ ]) ([[Lingvo ukraine|ukraine]]) «Україна не братиме участі в Євробаченні-2019» – La Nacia Socia Televidkompanio de Ukrainio, 2019-02-27 (arkivita [ ])
Vi povas disvastigi ĉi-tiun artikolon per Interkonaj retejoj |
|
|
![]() |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |
- Pages using the DynamicPageList extension
- Ukrainujo
- 27-a de februaro 2019
- Februaro de 2019
- 27-a de februaro
- Paĝoj kun rompita ligilo al dosiero
- Artikoloj kun informo de maruvofficial
- Artikoloj kun informo de Страна.ua
- Artikoloj kun informo de La Nacia Socia Televidkompanio de Ukrainio
- Publikigitaj artikoloj
- Ŝlositaj artikoloj
- Kulturo de Ukrainio
- Kulturo de Eŭropo
- Eŭrovido-Kantokonkurso 2019
- Rusio