Hongkongaj oficiuloj nomas la manifestaciojn minaco al la publika sekureco
Dimanĉo, la 13-a de oktobro 2019
.svg)
Por-demokratiaj kunularoj malpliigis siajn manifestaciojn ĉi tiun semajnfinon, dum registaraj oficiuloj pli kaj pli karakterizas la manifestaciojn kiel minaco al la publika sekureco, kaj egalvalorigas la perfortojn faritajn de la aktivuloj al enlanda terorismo.
De kvar monatoj, Hongkongo malkvietiĝas pro manifestacioj ofte grandegaj kaj perfortaj kontraŭ tio, kion oni taksas kiel klopodoj de Pekino erodi la memstarecon kaj la civilajn liberecojn kiujn la Ĉinio-direktata urbo ĝuas sub la modelo «unu lando, du sistemoj».
La hodiaŭan pluvan dimanĉon, la 13-an de oktobro pli ol 1000 manifestaciantoj ariĝis sur la balkonoj de komerca centro en la urbocentro de Hongkongo, kantantaj «batalo por libereco».
Iuj maskitaj aktivuloj en la komerca centro persekutis restoracion, kiun oni suspektis aparteni al ĉinoj, alsendinte centojn da malveraj manĝomendoj per eletronikaj kioskoj.
Ĉe la polica sidejo, grupo de maljunuloj nomataj la «arĝentaharaj marŝantoj» tenis tutsemajnfinan kunsidon por subteni la plejparte junajn manifestaciantojn.
Grupo de manifestaciantoj faris faldopaperajn gruojn ĉe evento en Kaŭluno, fronte al la Hongkonga insulo.
Tamen ne okazis atendita kunveno ĉe la Causeway Bay vendeja kvartalo, kie pasintsemajne dekmiloj da homoj partoprenis en marŝo tra la urbocentro.
Dimanĉon, la tumultopolico pafis larmogason al manifestacia kunveno tie, kie pasintsemajne unu manifestacianto estis trafita per veraj kugloj.
En junio, la partoprenado en kontraŭ-registaraj manifestacioj atingis la plej altan nivelon kiam preskaŭ du milionoj da homoj kontraŭis la nuntempe eksigitan leĝoproponon pri ekstradicio, kiun la kritikoj konsideras kiel dononta al Pekino grandan potencon por aresti la hongkonganojn.
Fontoj
([[Lingvo angle|angle]]) Brian Padden «Hong Kong Officials Label Democracy Protests Public Safety Threat» – VOA, 13-10-2019 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |