Ĉinaj verkistoj kontraŭ Apple pro aŭtorrajtoj
Lundo, la 19-a de marto 2012
Dudek du ĉinaj verkistoj postulas pagon de Apple pro vendado de senpermesaj kopioj de siaj verkoj. Ili postulas 50 milionojn da juanoj (6 milionoj da € / 7,7 milionoj da usonaj $), ĉar Apple enspezas 30% el la pagoj de tiuj vendoj. Tiu miliona kvanto ŝajnas ne esti ankoraŭ konfirmita. Laŭ la aŭtoroj, inter kiuj troviĝas Han Han (ĉine 韩寒), kiu estas tre fama en Ĉinio, la usona entrepreno vendis 95 el siaj libroj per sia interreta vendejo.
La aŭtoroj ankaŭ plendis pri la malrapida respondo de Apple al ilia postulo forigi la librojn el la vendejo. Carolyn Wu, proparolantino de Apple diris, ke la plendoj estos taŭge atentitaj, ĉar la entrepreno komprenas la gravecon de la afero. Tamen, ŝi rifuzis paroli pli detale pri la afero.
La aŭtoroj ekprocesis la usonan entreprenon jam en januaro ĉi-jare. La advokato de la verkistoj diris, ke tiam, Apple forigis kelkajn el la libroj sed poste kelkaj libroj aperis denove en la vendejo. La advokato akuzas Apple-on pri nepuno de la uzantoj de la vendejo, kiuj reaperigis la librojn por vendi ilin.
Fontoj
- (es) PACO FORJAS «Escritores chinos crean una plataforma para exigir a Apple que respete sus derechos» – Corporación de Radio y Televisión Española, 2012-03-19 (arkivita [ ])
- (es) AP «Escritores chinos acusan a Apple de publicar libros ilegalmente» – Vocero.com, 2012-03-19 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |