Rusio postulas ke Ukrainio ĉesigu la militoperacon en la sud-orientaj regionoj

Ukrainujo

28 nov. 2023: Vojaĝo al milito aŭ Somero en Donbaso (VIII)
10 nov. 2023: Vojaĝo al milito aŭ Somero en Donbaso (VII)
6 nov. 2023: Eks-konsilisto de Zelenskij nomis lin "soleca diktatoro"
24 okt. 2023: Vojaĝo al milito aŭ Somero en Donbaso (VI)

Vendredo, la 2-a de majo 2014

La 2-an de majo la Ministerio pri eksteraj aferoj de Rusio publikigis la deklaron, en kiu ĝi postulis ke la ukraina registaro ĉesigu la militoperacon en la sud-orientaj regionoj kaj donu plenan agadliberecon al ĵurnalistoj, kiuj raportas pri tiu ĉi konflikto. Oni asertis en la deklaro, ke en la militoperaco partoprenas krom armeanoj ankaŭ batalantoj de la Dekstra Sektoro kaj aliaj naciismaj organizaĵoj. Kontraŭ subtenantoj de la federaciigo de la lando oni uzas tankojn, batalhelikopterojn kaj misiilojn. Laŭ la deklaro tio estas kruda rompo de la Ĝeneva interkonsento de la 17-a de aprilo, kiu postulis ĉesigon de perfortoj kiel bazan kondiĉon por repaciĝo. La kontraŭterorisma operaco estis relanĉita matene en Slavjansko. Antaŭvespere oni jam sciigis pri du paffaligitaj helikopteroj, unu piloto pereis. Laŭ la Ministerio pri defendo de Ukrainio pereis du militistoj. La urbodefendantoj raportas pri unu pereinta opoziciulo. Antaŭtage la provizora prezidanto de Ukrainio Aleksandr Turĉinov subskribis la edikton pri reveno de la deviga militservo, nuligita de la antaŭa prezidanto Viktor Janukoviĉ en oktobro de 2013.

Fontoj

(ruse) Михаил Тищенко «Нужно больше солдат: На Украине возобновили службу по призыву» – Lenta.ru, 2014-05-02
(ukraine) «УКАЗ ПРЕЗИДЕНТА УКРАЇНИ № 447/2014 "Про заходи щодо підвищення обороноздатності держави"» – Oficiala retejo de la prezidanto de Ukrainio, 2014-05-01
(ukraine) «УКАЗ ПРЕЗИДЕНТА УКРАЇНИ № 562/2013 "Про строки проведення чергових призовів, чергові призови громадян України на строкову військову службу до внутрішніх військ Міністерства внутрішніх справ України та звільнення в запас військовослужбовців у 2014 році"» – Oficiala retejo de la prezidanto de Ukrainio, 2013-10-14
(ruse) «Москва потребовала от Киева прекратить операцию на юго-востоке Украины» – Lenta.ru, 2014-05-02
(ruse) «Заявление МИД России относительно силовой операции на Юго-Востоке Украины (N 1078-02-05-2014)» – La Ministerio pri eksteraj aferoj de Rusio, 2014-05-02
(ruse) «В Минобороны Украины сообщили о двух погибших в Славянске военнослужащих» – Lenta.ru, 2014-05-02

Ĉu vi havas opinion pri la afero? Esprimu ĝin!

Disvastigu!

Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu.
Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn.
Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo.