Unua var-vagonaro Hamburgo - Ĉinujo veturas

Merkredo, la 3-a de septembro 2014

Varvagonaro kun konteneroj.

La unua varvagonaro el la germana urbo Hamburgo al Ĉinujo estas survoje. La trajno, ŝargita kun 41 konteneroj, transportas interalie industriajn robotojn por internacia teknik-entrepreno, sciigis DB Schenker Loĝistiko (germane), la loĝistika filio de Deutsche Bahn, kiu estas la germana nacia fervoj-entrepreno.

La konteneroj estos dumvoje sur la pli ol 10.200 km. longa vojo dum ĉirkaŭ 17 tagoj - kaj tiel pli ol 20 tagoj pli rapide en Ĉinujo ol ŝipo.      

Jam ekde unu jaro antaŭ estas ĉiusemajna ligo de la ĉina urbego Ĝengĝoŭo (pinjine : Zhèngzhōu) al Hamburgo, nun la kontraŭdirekto estas veturota.

Rimarkoj

• La trajno ekiris la 1-an de septembro 2014 en Hamburgo, Germanujo.
• La transporto estis organizita de DB Schenker Loĝistiko kaj la administracio de Ĝengĝoŭo.
• La vojo:
  1. Germanujo : Hamburgo ->
  2. Pollando : ->
  3. Belorusujo : Bresto (pola limo, transŝarĝo al larĝaspuro-vagonaro) -> Gomelo (rusa limo)
  4. Rusujo : Centra F.R. -> Ĉevolga F.R. -> Urala F.R. ->
  5. Kazaĥujo : -> Karagando -> Dostiko (angle) (ĉina limo, transŝarĝo al normalŝpur-vagonaro)
  6. Ĉinujo : -> Urumĉio (Ŝinĝango) -> Ŝjiano (Ŝaanŝio) -> Ĝengĝoŭo (Henano).
• Ŝjiano, iama ĉefurbo de Ĉinujo, estis unu de la finaj punktoj de la silka vojo.

Fontoj

• (de) «Erster Güterzug Hamburg-China fährt» – ARD, 1-a de septembro 2014, 22:49
• (de) «Erster Güterzug fährt von Hamburg nach China» – Hamburger Abendblatt, 2-a de septembro 2014

Disvastigu!