Unua testa antaŭeldono de estonta Tondrobirdo 3.3
|
 |
|
|
Ĵaŭdo, la 25-a de novembro 2010
Je la 23-a de novembro vespere aperis la unua alfa-versio de "Miramar" — tio, kio iam fariĝos Mozila Tondrobirdo 3.3.
Laŭ liveraj notoj, inter la ŝanĝoj estas jenoj:
- Nova program-interfaco por administrado de aldonaĵoj (la fasado ŝanĝiĝos antaŭ la fina eldono).
- Apud kunsendaĵoj montriĝas ties grandecoj.
- Je Vindozoj Vista kaj 7, kelkaj fasadaj korektoj.
- Je Mac OS X, universalaj kunmetaĵoj por Mac 32/64, sed ne plu PowerPC.
Krom tio, jen unu el la novaĵoj el la listo en la Mozila Bugzilla:
- Volantoj povas malŝalti aldonon de "--" antaŭ la subskribo, pere de interna agordo "mail.identity.default.suppress_signature_separator".[1]
Entute okazis pli ol 190 ŝanĝoj.
Referencoj
Fontoj
- (angle) rebron «Miramar (Thunderbird 3.3) Alpha 1 available for testing» – Mozilo, 23 Nov. 2010
- (angle) «Miramar Alpha 1 Release Notes» – Mozilo, 23 Nov. 2010
Elŝuti (nur por testado!)
AVERTO: ĉi tiu versio tute ne estas uzinda por praktikaj retpoŝtaj kaj similaj celoj! Ĝi estas eldonita sole por testado.
- Elŝutpaĝo de Miramar Alfo 1 en la angla lingvo, por Vindozo, Mac OS X kaj GNU-Linukso
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |