Puigdemont certigas ke li baldaŭ deklaros la sendependecon de Katalunio
Merkredo, la 4-a de oktobro 2017
Carles Puigdemont i Casamajó, prezidanto de la Generalitat de Katalunio, certigis al BBC, ke li deklaro la sendependecon "je kelkaj tagoj." Ĉi tiu estis lia unua intervjuo ekde la referendumo lastdimanĉe (1-an de oktobro). La prezidanto indikis ke "ĝi okazos fine de ĉi tiu semajno aŭ komence de la sekvanta".
Puigdemont donis tiujn deklarojn al BBC ĝuste antaŭ ol la hispana reĝo Filipo la 6-a parolis televide. La monarko akuzis al la katalunaj aŭtoritatoj pri "neakceptebla mallojaleco". Laŭ vortoj de Filipo, la decidoj de la registaro de Katalunio "sisteme malobservis la regulojn laŭleĝe aprobitajn, provante neakcepteblan mallojalecon al la povoj de la Ŝtato." Li aldonis ke "ili rompis la demokratiajn principojn de ĉiu jur-ŝtato kaj malfortigis harmonion kaj kunvivadon en la kataluna socio mem, bedaŭrinde dividante ĝin."
La reĝo diris, ke "hodiaŭ la kataluna socio estas erigita kaj alfrontita". Liaflanke, Puigdemont diris, ke "estus eraro, kiu ŝanĝus ĉion", la interveno de la hispana registaro por regi la katalunan registaron. Krome li priskribis kiel "tre seniluziiginta" la reagon de Eŭropa Unio al la ago de la hispana polico, akuzita pri troaĵoj kaj perforto en siaj streboj por malhelpi la referendumon.
Filipo la 6-a parolis laŭ serioza tono kaj nigra kostumo kaj faris referencon al la okazaĵoj "kiuj okazis en Katalunio, kun la fina celo de la Generalitat, proklami la sendependecon −kontaŭleĝe− de Katalunio". Li alparolis kelkajn vortojn al la katalunoj por certigi, ke ili vivas en demokratia ŝtato, kiu proponas konstituciajn manierojn por protekti ideojn laŭ la respekto de leĝoj.
Antaŭe, la 13-an de septembro, la reĝo notis, ke la Konstitucio "triumfos super ajna bankroto". Dum la pasinta referendumo, laŭ ciferoj de la kataluna registaro, voĉdonis 2.3 milionoj da homoj (40% de la loĝantaro, kiu povis voĉdoni). Puigdemont proklamis la venkon kaj anoncis ke la rezultoj estus senditaj al la loka Parlamento "por esti plenumita". Same, forta kritiko kaŭzis la agadon de la policaj aŭtoritatoj, kiuj provis malhelpi la konsultadon. Ĉirkaŭ 800 homoj estis vunditaj.
Fontoj
Ĉi tio estas plena aŭ parta traduko de la artikolo Puigdemont asegura que declarará la independencia en cuestión de días; Felipe VI acusa deslealtad inadmisible, el es Vikinovaĵoj (publikigita laŭ la permesilo Atribuite 2.5 Ĝenerala de Creative Commons).
- (es) «El rey Felipe VI de España acusa al gobierno de Cataluña de una "deslealtad inadmisible" y califica de contrario a la democracia el referéndum independentista» – BBC, 03-10-2017 (arkivita [ ])
- (es) Miquel Alberola «Mensaje del Rey sobre Cataluña: “Es responsabilidad de los legítimos poderes del Estado asegurar el orden constitucional”» – El País, 03-10-2017 (arkivita [ ])
- (es) «Puigdemont asegura a la BBC que declarará la independencia “en cuestión de días”» – La Vanguardia, 03-10-2017 (arkivita [ ])
- (es) «El presidente del gobierno catalán, Carles Puigdemont, asegura a la BBC que declararán la independencia de Cataluña "en cuestión de días"» – BBC, 03-10-2017 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |