Ok novaj fasadlingvoj por Firefox 4 kaj du por Firefox 3.6
|
 |
|
|
Sabato, la 28-a de aŭgusto 2010
Por Firefox 4 estas preparataj tradukoj al 8 novaj lingvoj, el kiuj 5 estas afrikaj. La lingvoj estas: la akana (kodo: ak), la bretona (br), la bosnia aŭ bosna (bs), Sud-Afrika dialekto de la angla (en-ZA), la armena (hy-AM), la ganda (lg), la peda aŭ nord-sota (nso), kaj la songhaja (son).
Ankoraŭ restas kelkaj aferoj farendaj antaŭ ol la tradukoj estos konsiderataj sufiĉe kompletaj, kaj tiam post necesa testado ili povos oficialiĝi. Se ili ne sukcesos oficialiĝi antaŭ la eldontempo, ili estos publikigataj kiel beta-tradukoj ĝis la oficialiĝo. Oni petas testi la tradukojn (la netradukitaj teksteroj en ili estas anstataŭitaj de la anglaj versioj), aŭ alimaniere helpi al la tradukantoj. Elŝutligilojn vidu en la fonta artikolo.
Ankaŭ Firefox 3.6 ricevos ĉe eldono 3.6.9 novajn lingvajn versiojn (betaajn): asturian kaj skotgaelan.
Fontoj
- (angle) seth bindernagel «Adding New Locales for FF 4, Five African Languages Among the Group» – TTT-ejo de Mozila komunumo, 27 Aŭg. 2010
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |