Uzanto:VladimirPF/Provejo Kosmo

{Dato|15|05|2024|}}

La 5-an de junio 2024 pilotata kosmoŝipo Starliner sukcese startis al kosmo kadre de la unua pilotata misio Boe-CFT. La kosmoŝipon konstruis firmao Boing, la raketo Atlas-5 estis produktita de firmao Lockheed Martin. La starto de la raketo okazis je 14:52:14 UTC de startejo SLC-41, de bazejo de Kosmaj Fortoj de Usono ĉe kabo Kanaveral. La ŝipanaro de la pilotata misio konsistas el du personoj: Barri E. Ŭilmor kaj Sunita Ŭilliams. Reserva kosmonaŭto estis Miĥael Finke.

La lanĉo estis sukcesa post kelkaj malsukcesaj provoj. Ek de komenco la pilotatajn flugojn de Starliner Boing anoncis por 2017. Tamen pro diversaj kaŭzoj la plano moviĝis "dekstren" kaj la pli malpli reala dato estis anoncita por 21-a de julio 2023. Sed problemoj de paraŝuta sistemo de Starliner puŝis la startodaton al marto de 2024.

La 16-an de aprilo 2024 kosmoŝipo Starliner estis kunigita kun raketo Atlas-5 kaj la sistemo stariĝis al la rekta vojo al la starto. La 7-an de majo 2024 la lanĉo estis rompita je 2 horoj ĝis starto de motoroj. Kaŭzo de la rompo estis problemoj de oksigenaj valvoj de raketo. La sekva dato estis 17-a de majo, sed aperis problemoj kun heleuma valvo de kosmoŝipo. Sekva provo lanĉi Starliner la 1-an de junio 2024 estis rompita je 3 minutoj 50 sekundoо antaŭ starto pro misa komputila komando: okaziz problemo de unu el tri surteraj komputiloj, kies nutra bloko misfunkciis.

Reportero de Esperanto Vikinovaĵoj baldaŭ post la starto sinturnis al Vitalij Jegorov (konata rusia populariganto de kosmonaŭtiko, aŭtoro de kelkaj libroj dediĉitaj al kosmonaŭtiko, blogisto zelenyikot) kaj petis komenti la eventon.

VladimirPF Hodiaŭ sukcese komenciĝis la unua pilotata misio de usona kosmoŝipo Starliner. Kial Boing havas multajn problemojn pri la pilotata kosmoŝipo?

Boing, ŝajne, estas multe pli burokrata kompanio. Ajna decido, ia movo, ia evoluo en la firmao postulas pli da tempo. Ĉi tio estas ĉeno de respondeco inter la rekta entreprenisto kaj la kliento. Kaj sekve, SpaceX ĉi-rilate estas esence pli dinamika ol ĉiuj aliaj kosmaj kompanioj. Boeing estas pli klasika firmao kun pli ol duonjarcenta historio, kaj ĉi tio formas tian rilaton al komercaj procezoj. Ariane Space funkcias ekzakte same kaj tial ĝi ne povas fari la raketon Ariane-6, Roskosmos faris la same la Angara-raketon dum tre longa tempo. Ĉi-rilate, Boeing pli similas al registara agentejo ol al privata kosma kompanio.

Kaj en ĉi tiu kazo, la problemoj kun la ŝipo reflektas la burokratiajn problemojn de ĉi tiu kompanio. Kaj ni scias, ke ĉi tiuj problemoj estas pli larĝaj ol la kosmasektoro: estas grandaj problemoj ankaŭ en la aviada sektoro. Oni devas ankaŭ memori, ke nun, okaze de iu ajn problemo pri Boeing, la stereotipo pri profunda krizo nur plifortiĝas. Kaj nun ajna forbruligita lanpeto de Boing-aviadilo jam kaŭzas pli grandan reagon ol la problemoj de Airbus-aviadilo aŭ ia Tu. Ĉi tiu troa atento radikas en nomo Boing.