Protestoj en Kazaĥio – kontraŭ la ĉinoj kaj por demokratio
Sabato, la 21-a de septembro 2019
.svg)
La 21-an de septembro 2019 en la ĉefurbo de Kazaĥio Nursultano kaj la urbo Almato okazis manifestacioj, kies partoprenintoj postulis haltigi "ekspancion de Ĉinio" kaj liberigi politikajn malliberulojn. La ondo de protestoj komenciĝis la 2-an de septembro en la urbo Ĵanaozeno, sekvan tagon okazis manifestacioj en Aktobo, poste en Aktao kaj Ŝimkento. La 4-an de septembro oni jam manifestaciis en Almato, Oralo kaj Nursultano. Partoprenintoj postulis pli da demokratio kaj protestis kontraŭ "konstruado de 55 ĉinaj fabrikoj" en la okcidenta parto de Kazaĥio. 57 manifestaciantoj estis detenitaj hieraŭ kaj eble estos punitaj. Jam posttagmeze neniuj manifestacioj okazis.
La ekspertoj atentigas, ke temas pri promeso establi "55 novajn industriojn", faritan de la ĉina flanko en 2014 post kunsido de ŝtatestroj de la Ŝanhaja Organizo por Kunlaboro, okazinta en Astano. Tio devis ligi la ĉinan iniciaton "Unu zono, unu vojo" kaj la kazaĥan ekonomian politikon "Nurli ĵol". Tiu programo finiĝos en 2019, tamen efektiviĝis nur kelkaj el la promesitaj 55 projektoj kaj eĉ tiuj ofte nur parte.
Pli frue, la 7-an de aŭgusto en la najbara Kirgizio la aŭtoritatoj haltigis funkciadon de orminejo Solton-Sari, posedata de la ĉina kompanio Zhong Ji Mining Company, post kiam ĉirkaŭ 300 lokanoj atakis ĝin, ŝtonumante laboristojn kaj postulate ĉesigi elminigadon. La 17-an de januaro kontraĉinaj manifestacioj okazis en Biŝkeko, la ĉefurbo de Kirgizio.
Fontoj
([[Lingvo ruse|ruse]]) «В Нур-Султане и Алматы задержаны 57 человек за попытку проведения митингов» – Zakon.kz, 21-09-2019 (arkivita [ ]) ([[Lingvo ruse|ruse]]) «В казахстанских городах все спокойно, несмотря на призывы к митингам» – Zakon.kz, 21-09-2019 (arkivita [ ]) ([[Lingvo ruse|ruse]]) ««55 китайских заводов в Казахстане»: Forbes.kz объясняет, о чем идет речь» – [[Forbes]], 05-09-2019 (arkivita [ ]) [[Kategorio:Artikoloj kun informo de Forbes]] ([[Lingvo ruse|ruse]]) «В Киргизии приостановили работу китайских золотодобытчиков после конфликта» – [[RIA Novosti]], 07-08-2019 (arkivita [ ]) [[Kategorio:Artikoloj kun informo de RIA Novosti]] ([[Lingvo ruse|ruse]]) «Милиция разогнала участников антикитайского митинга в столице Киргизии» – [[Regnum]], 17-01-2019 (arkivita [ ]) [[Kategorio:Artikoloj kun informo de Regnum]]
|
Vi povas disvastigi ĉi-tiun artikolon per Interkonaj retejoj |
|
|
|
|
 |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |