Britujo konsistas el la reĝlandoj Anglujo, Kimrujo kaj Skotlando (pop. Skotoj). Ligitaj al Britujo estas Manikinsuloj (Ĵerzejo, Gernezejo k.a.) kaj Manksinsulo. Britujo kaj Nord-Irlando estas kune la Unuiĝinta Reĝlando de Britujo kaj Nord-Irlando. Tiun longan nomon oni uzas nur en iaj oficialaj kuntekstoj. Normale oni diras simple Britujo. Dependaj de Britujo estas Angvilo, Bermudoj, Brita Hindoceana Teritorio (Ĉagosarkipelago), Britaj Virgulininsuloj, Falklandoj, Ĝibraltaro, Kejmanoj, Moncerato, Pitkarna Insulo, Sankta Heleno, Sud-Georgio kaj Sud-Sandviĉinsuloj, Turkoj kaj Kajkoj.
