Fortaj musonaj pluvoj mortigis pli ol 100 en Barato, multaj miloj evakuiĝis

Dimanĉo, la 25-a de julio 2021

Fortaj musonaj pluvoj mortigis almenaŭ 110 homojn en Maharaŝtra en okcidenta Barato kaj preskaŭ 90 000 homoj evakuiĝis En Mahabaleshwar, Maharaŝtro, iom malpli ol 60 cm (23 in) da pluvo falis dum 24 horoj je ĵaŭdo ĝis vendreda mateno, laŭ la Barata Meteologia Departemento.

La mortoj inkluzivis 42 en la vilaĝo Taliye, proksime al Mumbajo en Maharaŝtro, kiu detruiĝis per grava terglito. Ĉefministro de Maharaŝtro Udhav Thackeray planis viziti la vilaĝon sabate. Li alvokis kunvenon por trakti la krizon, kaj alvokis helpon por la helpbezonantoj.

Almenaŭ du homoj pereis kaj dek vundiĝis en Mumbajo la 23-an de julio kiam loĝkonstruaĵo kolapsis pro la pluvo. La totala mortnombro en Mumbajo nombris pli ol 30, inkluzive de mortoj per terglitoj kaj elektrokuto. En la veterprognozo estas pli da pluvego. La barataj militistoj kaj savistaroj helpas, kiam la nombro da mortoj kreskas.

En Goao pli ol 1 000 domoj grave damaĝitis. Ĝis nun neniuj mortoj estis raportitaj en la ŝtato.

Fontoj

• (angle) Agence France-Presse «India floods: rescuers search for survivors among mud and debris» – The Guardian, 24-07-2021
• (angle) «India monsoon: 110 dead after heavy rainfall in Maharashtra» – BBC News Online, 24-07-2021

Disvastigu!