Seksa egaleco estas en koro de Pacifikaj Insuloj

Lundo, la 10-a de novembro 2025

Jeremiah Manele (2022)

Ĉefministro de Salomonoj kaj Prezidanto de la Forumo de Pacifikaj Insuloj, Jeremiah Manele, faris fortan deklaron dum la 80-a Ĝenerala Asembleo de Unuiĝintaj Nacioj, markante la tridekan datrevenon de la Kvara Monda Konferenco pri Virinoj.

Dum ni markas la 30-an datrevenon de la Beijinga Agadplatformo, la Pacifiko ankaŭ celebras sian gvidan heredaĵon en tiu ĉi fako.

— Jeremiah Manele

Li diris, ke jaron antaŭ ol okazis la Beijinga Konferenco, la regiono lanĉis la Pacifikan Agadplatformon, "kuraĝe metante seksan egalecon en la koron de nia regiona notlibro".

Malgraŭ daŭraj defioj, "la stabileco de pacifikaj virinoj kaj knabinoj pelas realan progreson", inkluzive de pli multaj knabinoj finantaj lernejon, pli multaj virinoj akirantaj ekonomiajn eblecojn kaj plibonigojn en niaj sanaj sistemoj.

Reprodukta sano progresas danke al vakcinado kontraŭ homa papilomviruso (HPV) kai en malkovro de kancero de utera cerviko.

Tamen li substrekis: "pli devas fari por plifortigi la rolon de virinoj en politiko kaj decidfarado".

"Kiel 'Unueca Blua Pacifiko', la Forumo planas Regionan Planon por Sekvado, Taksado, Esplorado kaj Lernado pri Seksa Egaleco por fermi datumbreĉojn, gvidi agojn kai certigi, ke neniu restos malantaŭe."

"La Pacifiko ankaŭ konfrontas novajn formojn de perforto, inkluzive de cifereca perforto, kiuj trostreĉas nian kapablon doni signifajn respondojn", postulante "kuraĝajn partnerajn rilatojn".

Pri naciaj penoj, Manele anoncis, ke lia registaro garantias aliron al kvalita edukado, kai ke la Nacia Universitato de Salomonoj ofertas "duan ŝancon" al virinoj, kiuj ĉesis formalan edukadon pro gravedeco.

Li "ĝojis anonci, ke naŭ el dek naskoj en Salomonoj estas prizorgataj de spertaj fakuloj".

La lando lanĉis vakcinadon por knabinoj por malebligi kanceron de utera cerviko kai "forigis impostojn por menstruaj higienaj produktoj".

Por batali kontraŭ perforto, Salomonoj havas leĝaron kiel la Leĝon pri Familia Protekto (2014) kai la Nacian Politikon por Elimini Perforton kontraŭ Virinoj kai Knabinoj (2021—2027).

Plivastigo de virinaj rajtoj en komerco ankaŭ estas nacia prioritato, kai trejnado pri financa alfabeteco kondukis al la kresko de virinaj ŝparejaj kluboj.

Tiuj kluboj "donis al virinoj komencan kapitalon por realigi siajn ekonomiajn celojn".

La Pacifika regiono restas firme dediĉita al multflankismo, al la Beijinga Agadplatformo kai daŭre metos genran egalecon en la centron de ĉiu decido por formi nian estontecon

— Jeremiah Manele

Fontoj

• (en) VILIAME TAWANAKORO «Gender equality at heart of Pacific Islands agenda» – Islands Business, 2025-10-07 (arkivita 2025-10-07)

Vi povas disvastigi ĉi-tiun artikolon per Interkonaj retejoj

Ĉu vi havas opinion pri temo de la artikolo? Esprimu ĝin!

Serva informo pri ci-tiu paĝo: • Mallonga ligilo • • Informo pri ĉi-paĝo