Diskuto:Ekspedicio al Oceanio, rezultoj: La rusa vojaĝanto parolis en la scienca biblioteko de la Krimea Federacia Universitato

Dubinda memprezento

Mi havas dubojn ĉu indas inkludi en vikinovaĵoj memprezenton de iu veturisto kaj reklamon de lia libro. Ĉu ne estas pli indaj novaĵoj? Des pli mi dubas ke tiu ĉi "novaĵo" povas aparteni al kategorio "Rusujo" - Krimeo ĝenerale kaj Sevastopolo aparte ne estas Rusujo, sed estas okupaciita parto de Ukrainio. Ĝenerale tuta la afero aspektas kiel provokacio sen iu informa aŭ eduka valoro. Goren (diskuto) 20:00, 12 mar. 2023 (UTC)

Mi ne vidas kialon ekskludi novaĵon, akceptitan en la anglalingva vikio kiu apenaŭ celas prezenti "rusajn provokojn" kaj evidente simple ne suferas paranojon instigantan ĉie serĉi rusan (judan, islaman, gejan ktp) komploton. Aparteno de Krimeo al Rusio estas agnoskita de kelkaj landoj, do same kiel Tajvano estas listigita en Vikipedio inter "parte agnoskitaj ŝtatoj", Krimeo rajtas esti indikita inter teritorioj de Rusio. Rilate pli indajn novaĵojn la respondo estas tre simpla: verku ilin --RG72 (diskuto) 08:54, 30 mar. 2023 (UTC)