Ĉinio sendos 700 soldatojn al Sud-Sudano

El Vikinovaĵoj, libera retgazeto
Iri al: navigado, serĉi
Ĉinujo
China in its region (undisputed).svg

Pli pri Ĉinujo
Orienta Azio

Sabato, la 27-a de decembro 2014

Situo de Sud-Sudano

La Ĉina Popola Respubliko pretigis infanterian batalionon por sendado al Sud-Sudano kaj aldoniĝado al misio de pac-tenado de Unuiĝintaj Nacioj (UN).

Okaze de la sendado de la infanteria bataliono, la unua de Ĉinio en la afrika lando, oni festis pasintlunde ceremonion en la urbo Laiyang, en la orienta provinco Ŝandungo. 180 Soldatoj, el la bataliono de 700, ekiros al Sud-Sudano venontjanuare kaj la ceteraj marte.

Senhomaj aviadiloj, blenditaj veturiloj, kontraŭ-tankaj misiloj, leĝeraj memdefendaj armiloj, kontraŭ-kuglaj vestaĵoj kaj kaskoj estas la provizoj de la ĉinaj trupoj.

Laŭ la komandanto Wang Zhen, tiuj provizoj utilas "por memdefendaj celoj" en la afrika lando, kie okazas konfliktoj inter la registaraj kaj miliciaj fortoj.

La alfronto al fortoj, fidelaj al eksa vicprezidanto Riek Machar, postlasis proksimume 100 mil mortintojn kaj milionojn da delokitoj.

Fontoj